आधी गाड्यावर चहा समोसे विकायच्या, आज आपल्या मेहनतीने बनल्यात १४ रेस्टॉरंटच्या मालकीण

0

आज आम्ही तुम्हाला एका यशस्वी महिलेची कहाणी सांगणार आहोत. तामिळनाडूच्या पेट्रीसिया नारायण यांची कहाणी परिस्थितीला तोंड देताना धैर्य सोडणाऱ्या कोट्यावधी महिला आणि पुरुषांसाठी प्रेरणादायक आहे.

सुरुवातीचे जीवन अतिशय गरीब आणि आर्थिक परिस्थितीत जगणाऱ्या नारायण फक्त एक छंद म्हणून स्वयंपाक करत असत. त्यांनी या छंदाला व्यवसासय बनवले मग गाड्यावर समोसे व कोल्ड्रींक्सची विक्री सुरू केली.

आज त्या १४ रेस्टॉरंटच्या मालकीण आहेत आणि त्यांच्याकडे गाडी बंगला सगळं आहे. एफआयसीसीआयने त्यांना वुमन ऑफ द इयरचा पुरस्कार दिला आहे. आज आपण त्यांची यशोगाथा जाणून घेणार आहोत.

दोन मुलांची आई, पेट्रीसिया यांना कमाई करण्याचे साधन नव्हते आणि तिचा नवरा एक ड्रग ऍडिक्ट होता जो तिला दररोज मारहाण करायचा. लव्ह मॅरेजमुळे त्यांचे आई वडील आधीच त्यांच्यापासून दूर झाले होते.

त्यांना आपलेसे म्हणणारे कोणच त्यांच्या जवळ नव्हते. सगळे नातेवाईक त्यांच्यापासून दूर झाले होते. यामुळे त्या आपल्या कुटुंबियांकडेसुद्धा जाऊ शकत नव्हता. यावर मात करण्यासाठी पॅट्रिशियाने संघर्षाचा मार्ग निवडला.

परिस्थितीमुळे विचलित झाल्याने पॅट्रिशियाने तिच्या दोन्ही मुलांसाठी फूड बिझनेस करण्याचा मार्ग निवडला आणि १९८२ मध्ये चेन्नईच्या मरीना बीचवर एक गाडा सुरू केला. यावर त्यांनी कॉफी, चहा, समोसा, फळांचा रस इ. विकण्यास सुरुवात केली.

पहिल्याच दिवशी त्याच्या हातात फक्त ५० पैसे आले. पण त्या खचून गेल्या नाहीत त्यांनी आपला व्यवसाय चालूच ठेवला. त्यांना आपल्या लहान मुलांचे संगोपन करायचे होते. त्यांचा पतीही त्यांना काहीच हातभार लावत नव्हता. पण हळूहळू त्याचा व्यवसाय वाढतच गेला.

गुणवत्तेवर लक्ष केंद्रित केल्यामुळे त्याचा व्यवसाय चांगला चालू लागला. यानंतर त्यांनी कॅन्टीन आणि केटरिंगचा मार्ग स्वीकारला. त्यानंतर त्यांनी चेन्नईच्या प्रसिद्ध हॉटेल चेन नेल्सन मनिखम रोड रेस्टॉरंटमध्ये भागीदारी केली आणि नंतर त्या लवकरच त्या डायरेक्टर बनल्या.

दरम्यान, त्यांची मुलगी व सून दोघेही एका अपघातात बळी पडल्याने त्याला आणखी एक धक्का बसला. त्यांची मुलगी संदीपाचा मृतदेह आणण्यासाठी कोणतीही रुग्णवाहिका उपस्थित नसल्याने त्यांनी दोघांच्या स्मरणार्थ विनामूल्य रुग्णवाहिका सेवा सुरू केली. यावेळी त्यांच्या मुलाने त्याचे खूप समर्थन केले.

त्यानंतर पॅट्रिशियाने आपला मुलगा प्रवीण याच्याबरोबर रेस्टॉरंट चेन उघडली. ज्याचे नाव त्यांनी आपल्या मुलीच्या नावावर ठेवले जे संदीपा होते. आज चेन्नईमध्ये या रेस्टॉरंटचे १४ आऊटलेट्स आहेत. विशेष गोष्ट अशी आहे की त्यांना हे करण्याची आवडही नव्हती किंवा त्यांच्या मनात असा कसलाही विचार आला नव्हता.

उलट परिस्थितीने त्याला हे करण्यास भाग पाडले. परंतु एका चित्रकार किंवा संगीतकारांप्रमाणे त्याने काम करण्यास सुरवात केली, तेव्हा त्यांनी यामध्ये आपले सगळे झोकून दिले आणि आपले पुर्ण लक्ष यावर केंद्रित केले. हे अतुलनीय समर्पण त्यांच्या यशाचे कारण आहे.

त्यांची ही कामगिरी पाहता २०१० मध्ये, एफआयसीसीआयने त्यांना त्या वर्षासाठी ‘वुमन ऑफ द इयर’ हा अवॉर्ड दिला होता. तुम्हाला ही माहिती कशी वाटली आम्हाला कळवा. जर ही माहिती आवडली असेल तर पुढे पाठवायला विसरू नका.

Leave A Reply

Your email address will not be published.